星光路上丨譚俊彥曾因狄龍兒子身份遭欺凌 爸爸見證下榮封視帝化解心結

視帝譚俊彥（Shaun）作客《星光路上》，同 潘盈慧 分享演藝之路，原來當年得17歲嘅阿Shaun，第一次幕前演出就獻出俾TVB，想當年佢同爸爸狄龍一齊作客節目《蔡瀾遨遊伊斯坦堡》，青澀模樣絕對係標準小鮮肉！

講起爸爸狄龍，阿Shaun坦言曾經好想擺脫「狄龍兒子」呢個名號，原來佢童年時期因為星二代身份，曾經喺學校遭受欺凌，仲俾要求跪喺校車前，而爸爸得知事件後，毅然決定以後不再接拍江湖電影。

不過即管爸爸為自己付出咁多，但阿Shaun依然對「狄龍兒子」呢個身份有所顧忌，甚至唔想爸爸出席萬千星輝頒獎典禮，最後因為朋友一席話，令阿Shaun改變諗法，最終攞獎一刻有父母在場見證，兩父子亦都因為化解多年心結，而講到未來目標，阿Shaun就話希望幫公司拍更多好作品，繼續打響TVB名號。