亞洲超星團｜Hugo檔期問題未錄影Fans肉緊 歸隊現身黃山見面會迎新年

選秀節目《亞洲超星團》上集公布最新嘅排名，香港代表 黃奕斌 同 冼靖峰 打入前九名，不過Hugo因為檔期問題未有參與公布排名嘅錄影，仲因而錯失咗拍特別真人騷嘅機會，令Hugo嘅一班Fans非常擔心。

Hugo因為檔期缺席錄影，令唔少Fans擔心會影響佢嘅成績

已經歸隊嘅佢日前就同其他練習生一齊現身見面會，仲有人寫大字報打氣

不過Hugo之前經已喺社交平台出Post向大家派定心丸，指自己經已歸隊錄影，而一班超星仔仔早前就喺安徽黃山市嘅徽州古城，出席個盛大粉絲見面會同大家一齊迎接2024，場面相當熱鬧。

當日場面熱鬧同房嘅Archie同丁丁仲齊齊拍片倒數迎接新年

一班超星練習生新一年仲送拍攝歌曲《新年快樂2024》MV，作為新年禮物送予支持嘅Fans。