馬貫東入行16年三度殺入男配10強 《旁觀者》連環殺手「滅蟲判官」真身揭盅

由徐正康夥拍新鮮人陳萍（April）擔任監製、麥世龍擔任編審嘅《妳不是她》，以及由葉鎮輝（阿細）及權香蘭擔任監製、蔡婷婷、馮日進擔任編審嘅《旁觀者》，逢周一至五晚分別於8點半及9點半翡翠台播映。

呢位廿四孝爸爸同老公真係入型入格。馬貫東喺《妳不是她》展現柔情體貼嘅一面。

馬貫東於2007年首度參與劇集拍攝、默默耕耘逾16年實力早獲肯定，之前已曾兩度殺入男配10強，今年再因憑《破毒強人》杜飛贏盡好評第三度殺入男配10強；加上繼熱播劇《新聞女王》之後，馬貫東喺最新兩線劇《妳不是她》及《旁觀者》亦有出色發揮，令男配呼聲愈炒愈熱，成為男配大熱，雖然同一晚有兩個馬貫東，但向來被視為實力派嘅佢成功演繹出兩種截然不同嘅感覺。喺8點半檔《妳不是她》，馬貫東飾演為人穩重老實、對愛妻敏兒（彭慧中飾）及繼子俊仔（王瑋程飾）照顧周到嘅阿木；不但舉手投足均流露穩重暖男感，連眼神及聲線亦相當溫柔，如此好男人角色自然成功入屋。

馬貫東喺《旁觀者》則展現古惑面。 呢位高大昇唔單止聲大冇準，仲要孤陋寡聞。高大昇啲格衰樣真係衰到冇朋友，難怪覓希初初會誤會佢係害蟲。

喺9點半檔《旁觀者》中，馬貫東畫風一轉飾演「口水多過茶」嘅市儈冇腦爛仔高大昇，一出場夠晒格衰兼樣衰，仲因不諳英語弄致笑話百出；為顧住面子，又會爆發「小學雞式」爛渣還擊，相當搞笑，獲網民大讚角色突出又可愛。 表面愛蝦蝦霸霸、到處撩女仔嘅大昇，真實性格單純，更係癡心情長劍一名，對Cindy（胡美貽飾）死心塌地，因此反被女方呃走大筆金錢傷心欲絕，其中一幕淚水眼眶打轉、大大啖地扒飯嘅場口，更係有喜感得嚟帶點虛心感。如此「多變」，難怪馬貫東喺拍攝花絮亦透露高大昇係其入行以嚟從未演過角色，對其來說相當大挑戰，角色人設好有層次。馬貫東就指呢個角色唔單止同我以往角色完全唔同，同我本身性格反差非常大，所以好享受、滿足。最初我好擔心hand唔handle到咁爛仔嘅角色，佢惡得嚟又善良，仲要好恰，好多層次。」 

其實真實嘅大昇專一純情又單純，反而畀女仔呃番轉頭。呢幕含淚扒飯幾有記憶點喎。

噚晚播出第三集《旁觀者》一開始已揭出周柏豪飾演覓希係「鼠尾草連環殺手」真身。以「消滅害蟲」為己任嘅覓希，表面係有創意兼廚藝超卓嘅Café老闆，但實質係陰森偏執嘅「正義判官」，只要發現目標人物—對社會造成不良影響嘅加害者，就會捉其至密室執行私刑，噚晚覓希先後盯上間接害死女兒嘅誠叔（韋家雄飾）、高大昇及情場騙子阿賢（阮政峰飾）。是次演出對柏豪嚟說絕對大突破，當佢演暖男Café老闆溫文博學，相當善解人意，周柏豪暖男演繹、亦獲網民大讚入型入格。當覓希化身冷酷殺人狂時，氣質會180度大逆轉，眼神陰森詭異，暴力升級！

「滅蟲判官」覓希，啲笑容同眼神都幾陰森吓。情場騙子阿賢（阮政峰飾）被捉走。

為咗覓希呢個角色，柏豪總共付出咗三大第一次，笑言係因為《旁觀者》首度接觸咖啡、首度要潛水拍戲，事先學咗潛水考埋「A仔」潛水牌、第三就係首次做殺手，以前拍其他戲都有殺過人，但唔係職業殺手，所以拍呢套劇幾有新鮮感。今次角色特別喺多內心戲，花腦汁又要隱藏自己，比之前啲角色多啲層次。柏豪感激敏奕從中幫忙：「因為敏奕好鍾意飲咖啡，佢教咗我好多咖啡嘅嘢。」
揭出周柏豪飾演覓希係「鼠尾草連環殺手」真身。