伍仲衡結婚丨證婚儀式唱《今生今世》冧妻 五大承諾娶幕後靚太太

 伍仲衡（伍Sir）拖住伍太Ida（徐麗芬）出場，由周國豐擔任證婚儀式司儀，Ida一向比較低調同好怕醜，Ida致詞多謝賓客時，伍Sir即叫大家畀啲掌聲以鼓勵，伍仲衡仲唱出張國榮金曲《今生今世》改歌詞冧愛妻。

 伍仲衡作出「五大承諾」包括100%收入畀晒Ida、唔會同異性朋友出街、有好嘢食畀太太先、每日起身唱一首歌畀太太聽等，講到第五個承諾，現場賓客即起哄嗌生仔，然後一對新人進行證婚儀式，交換戒指時， 伍仲衡更深情親吻太太嘅手，再甜蜜咀嘴。