亞洲超星團｜練習生第二輪人氣排位公布 最強香港代表殺入前九名

偶像選秀節目《亞洲超星團》今晚(27日)播出嘅第10集，將分成兩Part進行，首Part係第三次公演組隊真人騷，第二Part則是萬眾期待嘅第二輪排位公布！第三次公演將進行團隊搶擂戰，超星練習生將分為守擂區同攻擂區各5支隊伍，最終前5名隊伍將獲星耀值加權。

今晚一集將會公開第二輪嘅練習生排名

守擂區隊伍率先分組，隊長由第二次公演表現最好嘅5位超星練習生擔任，分別是奧利、陳鑫昊、王坤、艾克力亞同金東彬，隊長可自由選曲同揀選心儀隊員。而決定選歌順序玩法十分都好過癮，五位隊長需接受平板支撐挑戰，邊個撐到最後就可以率先揀歌！相關對決對身形瘦削嘅奧利非常不利，結果奧利僅支撐咗分幾鐘就全身震晒兼大嗌：「我想死！」之後更宣布放棄，至於雜技演員出身嘅艾克力亞同體能擔當陳鑫昊則鬥到最後，到底最終誰是最強Body？

考體能揀隊員環節，奧利率先投降，對之後嘅比賽會唔會猜來影響呢？

第二Part係緊張刺激嘅第二輪超星練習生人氣排位公布，由節目召集人曾志偉負責公布排名！第二輪排位結果出人意表，頭九名位置出現唔少變動，首輪排名共有兩名香港代表殺入前九名，但今次只淨低一位香港代表，究竟係邊個咁犀利？就要密切留意今晚播出嘅一集喇！

其中一名香港代名將殺入前9名

《亞洲超星團》星期六晚 22:00 翡翠台