第96屆奧斯卡丨完整得獎名單！《奧本海默》掃獎 施利安梅菲首入圍即稱帝 愛瑪史東二度封后

第96屆奧斯卡金像獎於香港時間2024年3月10號上午7點喺洛杉磯舉行，今屆一共頒發23個獎項，一眾台前幕後悉心打扮，衣香鬢影，焦點落喺最佳男、女主角、最佳男配角上，而《奧本海默》更橫掃多個獎項！

第96屆奧斯卡金像獎於香港時間2024年3月10號上午7點喺洛杉磯舉行。

演技大獎「最佳女主角」由飾演《Poor Things》演員愛瑪史東（Emma Stone）奪得，繼《La La Land》後二度封后，愛瑪史東今次不惜首度大膽正面全裸入鏡，性愛戲碼不設限，被譽為從影以嚟最佳演出。
「最佳女主角」由飾演《Poor Things》演員愛瑪史東（Emma Stone）奪得。

「最佳男主角」就由《奧本海默》演員施利安梅菲（Cillian Murphy）勇奪，施利安梅菲首次入圍便成功稱帝，喺台上講得感言表示有啲不知所措，亦感謝家人及兩位兒子，施利安梅菲指佢哋拍咗一部有關發明原子彈嘅電影，而大家生活喺呢個世界，所以佢好感謝世界各地所有和平守護者。

「最佳男主角」就由《奧本海默》演員施利安梅菲（Cillian Murphy）勇奪。

另一焦點就係「最佳男配角」獎，由《奧本海默》演員羅拔唐尼（Robert Downey Jr）首度得奬，今次係羅拔唐尼第二次入圍該獎項，發表感言時含淚感謝太太喺自己好似「受傷的動物」時遇上，令自己好似寶貝咁被愛著。 

「最佳男配角」獎，由《奧本海默》演員羅拔唐尼（Robert Downey Jr）首度得奬。

鬼才導演基斯杜化路蘭（Christopher Nolan）憑《奧本海默》獲「最佳導演」；動畫大師宮崎駿《蒼鷺與少年》再次榮獲最佳動畫長片獎，繼《千與千尋》21年後再度奪獎。
動畫大師宮崎駿《蒼鷺與少年》再次榮獲最佳動畫長片獎。

奧斯卡金像獎完整得獎名單：
最佳電影：《奧本海默》 
最佳導演：基斯杜化路蘭《奧本海默》 
最佳男主角：Cillian Murphy《奧本海默》 
最佳女主角：愛瑪史東《Poor Things》 
最佳男配角：羅拔唐尼《奧本海默》 
最佳女配角： Da’Vine Joy Randolph《The Holdovers》 
最佳原創劇本：《Anatomy of a Fall》 
最佳改編劇本：《American Fiction》 
最佳美術設計：《Poor Things》 
最佳攝影：《奧本海默》 
最佳視覺效果：《哥斯拉-1.0》 
最佳剪接：《奧本海默》 
最佳原創音樂：《奧本海默》 
最佳原創歌曲：〈What Was I Made For?〉《Barbie芭比》 
最佳音效：《特權樂園》 
最佳服裝設計：《Poor Things》 
最佳化妝及髮型：《可憐的東西》 
最佳動畫長片：《蒼鷺與少年》 
最佳動畫短片：《War Is Over! Inspired by the Music of John & Yoko》 
最佳實景短片：《The Wonderful Story of Henry Sugar》 
最佳紀錄長片：《20 Days in Mariupol》 
最佳紀錄短片：《The Last Repair Shop》 
最佳國際影片：《特權樂園》