蕭敬騰處男音樂劇上演親密咀戲 演出胭脂扣挑戰張國榮經典角色

蕭敬騰喺2024年有新挑戰，就係轉戰音樂劇，演出由李碧華小說改編嘅劇目《胭脂扣》，音樂劇即將於下個月喺上海公演。呢日老蕭同女主角丁臻瀅綵排，老蕭貴為金曲歌王，歌唱實力無庸置疑，估唔到連演戲都難佢唔倒，而且仲有咀戲添呀！見到老蕭又唱又演，七情上面咁投入，睇嚟老蕭真係好重視自己嘅音樂劇初體驗呀！

原著曾經改編成電影版，由張國榮同梅艷芳演繹嘅十二少同如花，絕對係無可取替嘅經典，所以老蕭都坦言，當初曾經懷疑自己做唔做到，但因為自己已經入行好多年，都想有啲新嘅努力方向，老蕭話：「我自己糾結了好久，看了腳本好多次，每看一次我心臟就多跳好幾下，因為很緊張，不知道自己能不能夠辦到，最終還是被這個劇所吸引。」