/public/article/images/202405/6274524d-e37f-45ab-bb01-62d71cdc914b.jpeg)
《直播靈接觸》噚晚(7號)邀請香港歷史學家 施志明 擔任嘉賓，大談香港都市傳聞。當中提到為人熟悉嘅佐敦嘉利大廈五級火、聳人聽聞五屍命案嘅種種傳聞。
發生喺1996年嘅嘉利大廈五級火，導致41死80傷，為香港史上最嚴重嘅高樓大廈火災。有位香港天后級女歌手，事後喺一次電台訪問中提到，喺火災前幾日，佢如常去到嘉利大廈搭升降機返唱片公司時，升降機並未停喺公司樓層，而係停喺公司上一層。
《直播靈接觸》同大家討論兩單香港奇案
升降機門打開之後，出現喺面前嘅係一片漆黑牆壁。女歌手不以為然返到公司。事件傳開後，唔少出入該幢大廈嘅人都表示，火災前數天有過類似經歷。思浩喺節目中提到Beyond一名前成員劉志遠，火災時身處現場，佢話︰「佢係火災生還者，事後佢講返件事來龍去脈，當日佢喺錄音室錄音，而錄音室係完全聽唔到外出嘅聲，所以完全唔知出面發生咩事。」
思浩話劉志遠彈結他時，突然多次聽到一把小朋友聲音猛叫「走喇」，語氣激動，佢話︰「當劉志遠同控制室職員逃生時，一直覺得嗰個細路仔『陪』住一齊走，更一路畀指示。」最後成功逃生。
Beyond前成員劉志遠當年身歷嘉利大廈火災生還
另一單五屍命案更加令人膽戰心驚，1998年發生一樁轟動全城嘅五屍命案。李姓神棍謀財害命，毒殺咗五名女士，其中年齡最細嘅分別只有15歲同17歲。事後九龍東某港鐵站經常有三大二小女子，向港鐵職員詢問「應該如何乘車才可以去到湖北省武漢市通城縣？」。有職員閱報時發現五名女子，疑似五屍命案受害者，事後兇手喺湖北省武漢市通城縣落網。
嘉賓施志明同觀眾分析都市傳聞真偽
節目中除分享上述兩項猛料都市傳聞外，施志明亦以唔同角度拆解都市傳聞真偽，而所謂嘅傳聞係如何生成套路，絕對不容錯過。
《直播靈接觸》逢星期一晚 21:30 、星期二晚 21:35 TVB Plus(82台)直播
