陳豪染髮變老拍廣告 注重健康保工作本錢

視帝陳豪接拍全新健康產品廣告，為配合造型，需要飾演比自己年老嘅角色，佢事前都花咗好長時間，由化妝師同髮型師將黑髮慢慢染白，對於呢個變老嘅造型，佢都話係一個新嘗試，好耐未試過染白頭髮，而成頭白髮就係第一次。

講到健康，身為三名仔女父親嘅佢就話當然重要，因為有健康先有本錢工作，所以要注意飲食同營養，仲要多做運動。

拍攝廣告期間，佢正同時拍攝新劇《執法者們》，陳豪表示演出就無特別難度，由於未試過咁多演員一齊開工，所以成個劇組氣氛好好，大家都拍得好開心，而佢就唔需要應付打鬥場面，反而黃宗澤就要打得比較多。