迷暈黨 | 將軍澳疑現迷暈黨 專向一類人下手 街坊曾中招：控制唔到身體

【迷暈黨】一名男網民早前在Facebook群組「將軍澳主場」中發帖，表示上月尾有一天晚上約6時半，在唐俊街DON DON DONKI對面，有2名一高一矮、懷疑是「騙錢黨」的女士出沒。

事主形容該2名女子選擇在燈光昏暗的地方向單身男士埋身，聲稱「冇錢開飯」，「高嗰位負責去搭訕，矮嗰個可能手中預備不知道甚麼煙而有所動作，事敗後掩面而逃，走向MTR方向！」

（Facebook圖片）

（影片截圖）

（影片截圖）

事主拍攝該2名女子疑似事敗、掩面跑向將軍澳港鐵站的影片和照片，提醒街坊要小心，「街坊注意，大家請自行判斷真偽，但也希望在農曆新年前提高警覺，小心為妙」。

（影片截圖）

（影片截圖）

網民：控制唔到身體

帖文曝光後，不少網民懷疑該2名女子是「迷暈黨」，亦有人指曾遇到她們，「可能迷暈煙，喪失反抗能力」、「喺富康花園出現，5:45，問人要錢」、「今朝先入咗嚟將軍澳村問我老公可唔可以借錢畀佢食飯！就係佢2個」、「今日4點幾鐘喺田下灣村（天后廟）見到佢哋，走埋嚟扮問路，一睇就知係騙徒，直程灑手唔睬佢哋」、「真係有迷暈煙，最近好多細路仔女喺尖沙咀畀咗錢人」、「類似迷暈黨，感覺好似畀人強制索咗啲『乖乖水』咁，佢講乜你做乜，身體控制唔到，但清楚知道自己做緊啲咩，咁就撳咗幾千蚊畀人」。

【延伸閱讀】

詐騙｜港大再有內地學生被騙涉款180萬元　同為假冒官員騙案？

警方辦「釣魚電郵」演習邀多間機構參與　揭1個部門最易中招！

電話騙案｜81歲婆婆愛子心切被「呃完再呃」　損失共$17萬老本