食用安全 | 新蒲崗買肉餅飯豬肉呈粉紅色如刺身港女呼不敢食店員咁回應網民估計有原因

【新蒲崗/肉餅/豬肉/生豬肉/寄生蟲/食物中毒】一名女網民在Facebook群組「黃大仙區友(黃大仙，新蒲崗，鑽石山，慈雲山......)」中發帖，表示日前在新蒲崗一間食店購買一份「流心鹹蛋蒸肉餅飯」，進食時卻發現肉餅並非熟透，大部分都是呈粉紅色。

女事主遂把飯盒拿回店舖反映，店內操普通話的女店員則稱「肉餅係熟嘅，冇問題，可以放心食」，惟事主稱不敢繼續吃用，並在社交平台發文提醒其他街坊，「根本冇諗過換畀我，係咁講『係熟嘅，冇問題』，叫我可以食，我都冇叫退錢，個姐姐連解決問題都唔想，我真係唔夠膽食，希望各位小心呢間店舖」。

（Facebook圖片）

網民：豬肉餅刺身

帖文曝光後，不少網民都指不敢進食，「就咁一眼望落去，真係覺得好唔熟喎」、「黑毛豬肉餅刺身」、「叫嗰個姐姐即場食嚟睇吓」、「豬肉咁嘅色水真心食唔落，食到出咗事，佢哋最多都係改名開過另一間」、「好明顯生啦！」。

但都有網民估計因「梳打粉反應」（梳打粉經加熱後會產生二氧化碳，因此特性常被用作食品製作過程中的膨鬆劑），而令豬肉呈粉紅色，「其實係熟嘅，落梳打重手咗啫」、「啲肉雪太耐就煮極都咁嘅色」。

吃生豬肉可致食物中毒、染寄生蟲

據食物安全中心資訊，由於未煮熟的豬肉熱處理不足，未能消滅當中的食源性細菌如沙門氏菌，進食未煮熟的豬肉可引致食物中毒。此外，未煮熟的豬肉內或有原生動物寄生蟲如弓形蟲，進食後可引發弓形蟲病，以微包囊形式存在的寄生蟲，亦可通過食物感染人類。

食物安全中心指，業界和市民配製豬肉菜式時，應確保菜式徹底煮熟。豬肉的中心溫度應最少達到攝氏75度。使用食物溫度計時，應把溫度計插進肉的最厚部分的中央。為保障食物安全，市民不應進食生或未煮熟的豬肉。

【延伸閱讀】

有片 | 港街市驚現疑似「腫瘤豬肉」肉內擠出膿狀異物狀甚噁心