樓主稱歲晚疑被賊人放鐵釘「踩線」 網友大嘲「被害妄想症」

將軍澳街坊在facebook群組上發文，分享屋企疑被賊人「踩線」，「年近歲晚，大家小心門戶，發現有人放了標記在門口」。照片所見，鐵閘外有1根顯眼的鐵釘，尖頭對準單位。

網民恥笑樓主太多心，「門口平時無塵，而家有！仲要係黑色」、「落樓買一千幾百口釘，放哂大廈每個門口」、「踢過隔籬啦」、「會唔會係隔籬踢過嚟」、「被害妄想症？」、「你係咪食開健牌？」、「唔係興劃牆咩？」。

有熱心網民指，如果樓主太擔心，可以檢查其他鄰居門口有沒有記號，而以釘子作記號太過明顯，「要擺都唔係擺門口啦，擺門頂咪仲易」、「不如睇下你個閘有冇唔見口螺絲」、「踢幾腳就無咗，所以唔會係記號」。但有網民認同樓主要提高警覺，「就係無人踢嗰戶咪無人出入，可能去咗旅行」。樓主回覆指，只是想提醒大家，「我門口都有放，樓層都有幾戶有放」。