迪士尼影全家福 港媽提匪夷所思四大不滿 網民一面倒插爆

近日網上多個群組，1位自稱來自陳氏家族的媽媽表示，已經收到攝影師在迪士尼樂園為他們拍攝的全家福照片，但有「4大不滿」。
首先「背景太多人影響我哋嘅全家幅（福）質素，其實你身為一個攝影師，有義務要搵助手幫手阻擋其他遊客，咁樣張相先會最靚。」
其次「嗰日拍攝好熱，我啲皮膚你冇幫我後期執一執，冇將我美白。」
另外「遊樂設施嗰度你應該要搵一個人幫手排隊，冇理由剩係得旋轉木馬嘅相，過山車啲相都要有，喺餐廳啲相呢係影得幾靚，但係冇人幫我哋排隊擺位，啲相影得幾靚都冇用。」
最後「以為你係攝影師，喺迪士尼樂園可以買嘢有折，原來你冇㗎，令到我好失望」。
陳媽媽揚言如果攝影師不想「被投訴」，她已替對方設想，「諗咗一個方法你做賠償，界我哋家族任 影三個鐘頭」，而且大方到「迪士尼食飯嗰啲我畀，請埋你助手，但係自己要自費買迪士尼入場券」。不過，陳媽媽亦明言如不接受賠償方案，她將採取行動，「如果你唔應承嘅，我就會擺你上網，我喺迪士尼投訴你！你諗諗啦！」。截圖未見攝影師回覆，未知他是否屈服。


網民批評客人的要求十分無理，「有乜理由叫人趕走其他人畀你影相，大晒呀？」、「原來要有埋代客排隊服務，唔知呢位VIP畀幾錢呢？」、「咁巴閉但買嘢嫌無折？」、「好癲，呢個世界原來真係有呢啲人」、「沒有最黐線，只有更黐線」，「完全係西客。當中有人更指「呢個直頭做人都要考牌啦」，更有網民笑問「如果迪士尼嗰日無出現佢想要嘅角色，攝影師係唔係要扮埋？」