元州邨疑猖狂賊踩線 撳完鐘即開鐵閘

近日有元州邨居民在Facebook群組上發文，以「有冇人可以告訴我應該怎樣做？」為題，指10日下午，有名戴口罩的陌生男子走到其單位前按鐘，隨即用右手做出嘗試打開鐵閘的動作。樓主聞聲打開細小門隙查看，男子見有人開門，隨即表示「搵錯人」然後離去。

樓主形容對方手上只有手機，看上去不似外賣送餐員或其他公司職員，擔心對方按鐘只是為了確認單位內是否有人，企圖做出不法行為，於是致電向大廈保安及負責屋邨管理的房署通報，其後更向警方反映相關情況，惟樓主認為未獲實質跟進，「最終結果是『什麼也不會做』」，令她非常擔心。

同區居民認為疑點重重，「其實告得㗎啦，不過開唔開file係問題」、「準備定防狼噴霧，有需要開門噴佢」、「即刻檢查下門口有冇神秘記號」。

另有街坊分享，指6日同邨的元雅樓住戶發現，同層至少5個單位門外出現不明記號，懷疑是賊人「踩線」後留下，有關住戶翌日隨即通報房屋署，獲回覆指示不要自行處理，惟未有交代會否加強保安，「話走廊位係佢哋負責油漆，叫我哋唔好油」。

直至9日，住戶再發現其中一名獨居婆婆單位門外記號被人更新，「位置係鐵閘框空白位置，當你拉開鐵閘時便會遮蓋咗記號」，認為事態嚴重，決定報警處理，明言「等佢哋嚟完睇咗，我哋都係自己油咗先啦」。