譚小環夫承認「大渣哥」欠租 恐數個月後結業

由前港姐冠軍譚小環及蔡強榮（渣哥）夫婦於2014年創立的「大渣哥」在社交媒體發文，承認餐廳門口被貼欠租封舖告示，並指「生意差咗都年幾兩年，尤其係通關之後，不過唔想影響到班員工同埋供應商，所以一路都默默撐得幾耐得幾耐」。

對於今次欠租一事，蔡強榮表示，由於員工要養家，供應商都一樣面對困難，所以「選擇員工同供應商優先，一路以嚟直至今天，1蚊都冇欠過佢哋」。他又否認會結業，指於「快極都仲有三幾個月之後嘅事，若然交得返哂啲租就冇事添，業主亦冇權封舖。」不過，渣哥亦提到，若然到時撐不住，「天下無不散之筵席，大渣哥茶記唯有提早結業，完成歷史任務」。