實測五間網絡熱門拉麵大比拼 其中一間連碧咸都話正？！ #夠鐘開飯

🌟鯛白湯拉麵
鯛白湯魚味非常濃郁，食完到夜晚個口都仲有魚湯魚香嘅餘香。
拉麵彈牙好香，配料份量偏少但影響不大，
店員話柚子醬可以令魚湯冇咁濃，
小編都覺得加少少會更清新，打卡一流，大推！

🌟麵鮮醬油房周月
湯頭醬油味果然不一樣，粗身拉麵非常掛湯，彈牙又香濃！
叉燒灸燒味明顯，算厚身，份量唔少，
糖心蛋都好靚，配料多，細節位都做得很到位，
賣相比平時醬油拉麵更出色，鍾意食傳統醬油拉麵係必食推介！

🌟幕多

位於尖沙咀嘅小店，小編去嘅時候剩係得一款醬油蝦濃湯麵選擇。
上嚟嘅時候，店家會淋上特製嘅蝦油，拉麵上面兩隻蝦已經好貼心咁剝咗殼，咬落口口好彈牙，都幾驚喜～
濃湯濃得來唔會好重味精，反而係成碗蝦嘅精華。拉麵吸收晒湯汁，超正👍🏻
另外追加咗個醬油象拔蚌小食，象拔蚌非常新鮮鮮甜，少少酒味去調配，令到整體個口感唔會太膩。

🌟Mashi no mashi
傳說中好出名嘅和牛，連碧咸都話正？！
$180嘅和牛拉麵價錢不菲，和牛口感係好嫩，不過偏鹹（小編覺得太鹹
拉麵同湯同平時無咩大分別，不要期望太高
可能牛丼質素比較優秀？拉麵可以skip唔試了 

🌟阿夫利
幾年前係日本大熱嘅AFURI，
開到嚟香港之後，一開始都大排長龍，但熱潮過後…
叫咗招牌柚子鹽拉麵～湯底超濃柚子味！
拉麵偏硬身，小編覺得有少少似蕎麥麵既硬度

叉燒焦香偏肥🥓餃子即炸好脆🥟個辣醬不錯
感覺上餃子比拉麵吸引
埋單$158都少貴