奇蹟的罐頭料理｜午餐肉罐頭升呢「焗酥皮午餐肉生蠔湯」

「將 Common Food 帶到另一層次」，好多人都覺得罐頭是劣食，但有無諗過罐頭除了可以優質食，仲係打卡之選，甚至乎提升到Fine Dining層次？J2全新飲食節目《奇蹟的罐頭料理》，每集會「優化」罐頭為美食，食得開心又易製。

午餐肉是一直深受香港人歡迎的罐頭，首集頭炮「奇蹟罐頭料理」名廚楊尚友（Christian Yang）帶來「焗酥皮午餐肉生蠔湯」。將午餐肉加水攪碎，煮5至10分鐘，煮成粉紅色的湯底，視覺衝擊十足！把麵粉加入牛油炒勻；逐少加入牛奶，攪拌至順滑。

將兩湯杓午餐肉湯加入麵糊中，再加入一湯杓午餐肉渣，慢慢拌勻。然後，在湯中加入生蠔和少許檸檬皮。另在酥皮上塗油後對摺。散上少許鹽，鋪上蔥碎及午餐肉碎；再將酥皮對摺塗油，重複4次。在碗邊塗上少許湯，放上酥皮後再塗油。

焗爐預熱攝氏200度，放入午餐肉酥皮湯焗6至9分鐘，熱辣辣「焗酥皮午餐肉生蠔湯」完成，超美味！