健康必殺食｜手搖飲品越飲越健康？解構「超級食物」奧祕

TVB飲食資訊節目《健康必殺食》，第二集主題是「超級食物」 ，以椰菜花、蔓越莓等食材煮的菜式健康又美味！嘉賓主持就請來邵初、江嘉敏同梁凱晴。陸浩明聯同三位靚女去農莊玩遊戲，落田尋覓「超級食物」，不過百厭邵初竟然收埋食材？置身大自然中炮製「香煎三文魚配椰菜花飯」，聽聽美女廚師Hilda講解菜式的健康之道。

眾人之後結伴去試飲一間加入超級食物的飲品店，好飲又養生，手搖飲品竟然可以越飲越健康？解構一杯「鳳凰茉莉奶蓋」、「金麥薑奶」、「黃金果奶」的健康美味食材。

至於江嘉敏就同型男廚師Oreo相當投契，六號話自稱單身的Oreo睇落好似吳卓羲，江嘉敏聞言即話：「我細個都好鍾意吳卓羲。」Oreo就即席唱了幾句吳卓羲的<別怪她>，再興致勃勃炮製健康「薑黃椰菜花牛肉藜麥飯」。