煮東煮西中秋篇︱黃翠如自認「海鮮達人」愈幫愈忙 鮑魚溏心流心傻傻分不清？

烹飪綜藝節目《煮東煮西》由於反應熱烈，無綫乘勝追擊推出「中秋篇」應節，周四（24日）播出的一集是海鮮篇，今集「煮東」美食是黃金鮑魚和豬肉釀魷魚筒，「煮西」美食是法式青口煲和柚香帶子薄脆，支嚳儀炮製的甜品則是紫薯香芋雪耳羹。保哥呈獻黃金鮑魚，將生粉與吉士粉混合成炸粉，有何作用？家嘉送上加入煙肉的「法式青口煲」，為吃慣了白酒菜式的翠如帶來新鮮感。

是集翠如表現繼續活躍，一開始便嚷着要幫保哥處理食材，怎料出師不利愈幫愈忙，Shiga笑問：「你平時喺屋企會幫吓手？」翠如笑笑口說：「冇喎，哈哈！但我都有洗碗嘅。」豈料Shiga玩踢爆謂：「但我見到 Edwin（蕭正楠）洗埋碗喎。」翠如即解釋說：「因為佢見到啲嘢污糟，就會忍唔住即刻洗！」對廚房事感覺一竅不通的翠如，又天真地發問：「啲鮑魚會唔會有流心㗎？」家嘉聞言忍不住更正說：「嗰啲係溏心，真係要留心聽書！」