走進東京五反田！帶大家尋找網紅餐廳 #夠鐘開飯

五反田位於東京品川區，
小編今次就住喺呢度，
附近十居其九都係餃子店同中華料理，
開頭一兩日真係嚇親！
後來再上網睇睇先發現，
呢個地方有好多高層公寓同低層辦公大樓之餘，
亦有兩間餐廳係相當出名，
今次等小編帶大家去五反田搵食啦。

📍 東京豆漿生活
日本台式早餐店「東京豆漿生活」
係五反田嘅名物，位於小巷中間嘅一間早餐店。
食物同裝潢都係喺台灣同日本之間十分有意思，
老闆每日新鮮整豆漿。
各種口味的台灣傳統甜酥餅都可以喺到搵到。

🌟 黑糖豆漿-豆漿香濃順滑，
黑糖畫龍點睛，完全係置身於台灣嘅感覺。
菜圃炒蛋-實而不華，簡簡單單好食！
胡椒餅-酥脆嘅外皮包裹胡椒味極重嘅內餡，極Juicy極好食。
栥飯-糯米同餡料比例做得好好，非常推介。

📍 Saison bakery % Cofee
都算係一間網紅Cafe，
門口嘅座位同黃色車都係打卡熱點，
有趣嘅係除咗麵包同咖啡之外，
佢哋亦都有少炒東南亞菜式，比如係咖喱炒黃薑飯。

🌟 Bluberry muffin
muffin鬆軟，好香牛油味，甜度啱啱好。
Croissant-極酥脆，超好食！！！

🌟 兩色咖哩飯
一邊係牛肉咖喱，另一邊係素，
兩邊都好開胃好好食，就算配啡都好夾~