牛角包大比拼！鐘意食牛角包應該去邊間買？#夠鐘開飯

今次同大家試吓三間出名牛角包🥐

🌟 Gontran Cherrier (Bakery)
⭐️⭐️⭐️⭐️
每次經過都會見到好多好多人排隊！
今次小編係平日臨放工時間去，
就唔洗排隊同埋都好多牛角包選擇！🥐
我地試咗紅桑子奶油蛋白霜牛角包，
外型望落去靚到好似假嘅咁樣。
以為食落口會好人工加工feel，
但係佢嘅cream都好輕盈，
同埋唔會搶走牛角包嘅香味
橫切面見到好蓬鬆好靚嘅蜂巢結構，
係好食嘅，唔怪得咁多人排隊買！
果然係被華爾街日報評為巴黎最佳牛角包～

🌟 Soft Thunder ⭐️⭐️
呢間最近喺IG上面鋪天蓋地嘅宣傳，
就等小編試下啦！
我地叫咗一個開心果牛角包
同一個法式焦糖燉蛋丹麥酥，盛惠93蚊
價錢上就真係有啲貴💰
牛角包係即場整熱嘅，
所以入面開心果餡料有略為流心狀態，都唔錯👍
丹麥酥上面嘅燉蛋偏甜，
連帶下面酥一齊甜埋。
um，綜合佢嘅性價比，
可能下次小編未必會再食🤔️

🌟 The Baker & The Bottleman ⭐️⭐️⭐️
英國米芝蓮三星名廚旗下的餐廳，
同時都係一間麵包舖🍞
一入店就見到好多款麵包～全部都好吸引！
不過今日嘅目標係牛角包🥐 
坐低食，店員都好體貼問我地要唔要杯水，加分💯 
牛角包內裡好鬆化，外皮好香脆，
雖然室溫都感受到個包好有生命力❤️ 
牛油味足，好推介畀大家！