踩線 | 公屋陌生男撳5單位門鐘🔔疑踩線踩線符號意思一文睇清

年近歲晚，小心門窗！一名男網民日前在Facebook群組「皇后山乜都友」中發帖，表示自己居住粉嶺皇后山邨第7座。本月7日晚上他發現一名可疑男子在門外走廊按下5個單位的門鈴，認為對方行跡可疑，疑似在「踩線」。

事主公開該可疑男子的閉路電視片段並且報警，透露警方經已找到目標人物，準備前往拘捕，「呢啲野永不落空，任何座都有機會，發現可疑人，即出post（帖文），傳開去，好快落網」。

一名可疑男子在門外走廊按下5個單位的門鈴。（Facebook圖片）

網民：年尾特別多古怪人出入

帖文曝光後，不少市民都估計是年近歲晚，特別多陌生人「踩線」「要開保安大會啦，仲要近年尾、新年，特別多古怪人出入」、「其實最乞人憎嘅係！啲人出入永遠唔閂大閘！長期打開！啲人自出自入！其實有密碼鎖就係要你自己開門！亦係保障大廈第一個關口！但發覺好多人一句『唔該』就要保安幫佢開鎖！唔開就投訴你！到有事又投訴佢哋隨便幫人開門！」、「叫房署print（列印）啲可疑人在大堂及有關樓層」。