假藍罐曲奇 | 葵涌街坊疑買到假藍罐曲奇仿真求極高教你留意6大破綻免買假貨

一名男網民日前在Facebook群組「荃灣大窩口邨葵涌邨」中發帖，表示日前花費118元、從葵涌邨街市一間藥材舖購買一罐藍罐曲奇，但疑似買到假貨。

事主隨後從OK便利店購買另一罐藍罐曲奇作比較，並上載照片，右邊一罐購自藥材舖，他形容曲奇沒有提子乾款，只是普通圓形曲奇，而2款砂糖款曲奇上面亦沒有砂糖，整體曲奇看起來偏淺色，遂提醒其他網民要小心，「鐵罐看起來一樣，連條碼都一樣，請大家小心。單冇得報（海關），唯有去大群組通知大家」。

（Facebook圖片）

網民綜合3大疑點

帖文曝光後，不少網民著事主通報海關，亦有人分享自己的經歷，「買呢隻曲奇真係唔好喺藥房買，分分鐘係假」、「報海關最好，做一個良好市民」、「假貨！疫情前有一年在荃灣街市對面間藥房買，我幫大陸親戚買10罐（當時大意冇攞單），佢當時話入倉攞，上到去大陸，親戚即刻開嚟食，完全唔對路！假㗎，我打電話去藍罐曲奇代理投訴，佢哋回覆話店門外冇發現假貨，最後送咗2罐畀我」。

另有網民點出真假藍罐曲奇的分別，「皇冠位同埋罐邊嘅花紋一睇就知有分別，但係要有盒真貨先至睇得出」、「中間『Kjeldsens』個字，右邊睇落少少3D咁，左邊只係2D平啲，而且右邊嗰罐嘅藍色邊上面嘅邊粗啲，啲圓點睇落大啲，唔知係影相關係定點，啲扭紋形嘅曲奇餅都唔同」、「我發現真嘅白邊係有啲狗牙波浪印，假嗰個邊係冇㗎，同埋實物睇落去應該假嘅比較粗製濫造啲」、「仲少咗1棟，真嗰盒外圈13棟、內圈7棟；假嗰盒外圈12棟、內圈7棟」。

（Facebook圖片）