家庭問題 | 大學畢業生姐姐懶做家務 父母憂「冇人要」居屋留女兒 保安弟弟嘆不公：我生性就唔畀我？

一名男網民在「香港討論區」發文，表示自己今年20歲，擁中六學歷，現時任職商場保安員，月薪扣除強積金供款約1.8萬元，每月會交4,000元家用，每月儲蓄5,000至6,000元。

父母居屋留女兒

事主透露跟父母和24歲姐姐同住居屋，惟他擔心父母日後會把單位留給姐姐。事緣姐姐2年前大學畢業，現在任職保險經紀，父母擔心她「第時冇人要」，故考慮把現住單位留給女兒，「新年期間我聽到阿爸、阿媽傾偈話怕佢個女第時冇人要，平時又懶又唔做家務，間房又好似垃圾屋咁，每個月啲錢月月清，家用都好少畀，睇怕都搵唔到人嫁，第時間屋留畀個女啦，個仔生性啲，唔使我哋擔心」。

《香港愛情故事》劇照。

兒子大呼不公

事主直言聽到後傷心不已，認為父母的決定並不公平，「我聽到即時想喊出嚟，點解間屋留畀家姐唔留畀我，我生性就唔畀我？咩道理？佢又大學畢業，搵錢能力又高過我，我覺得阿爸、阿媽淨係錫我家姐，根本好似都唔鍾意我咁」。

對此，事主感嘆指希望將來姐姐會找到一個「抵得諗」的丈夫，「我好擔心冇屋住，我家姐會唔會冇人要」。

網民：傾吓一人一半

帖文曝光後，不少網民都同情事主的處境，建議他跟家人好好溝通，但都有人指父母沒有必要把單位留給他，「你有冇啲朋友或者男同事單身呀？介紹畀你家姐識咪得囉！」、「好仔不論爺田地，衰女吞咗間居屋」、「好多家庭都係咁啦，間屋留畀最廢嗰個嘛，不過你可以反對，同佢哋傾吓一人一半囉」、「你點解唔向你父母提出他們百年歸老後，間屋是你哋兩姐弟50/50分？我覺得有呢個必要大家先說好！」、「你可以試吓學你家姐咁，睇吓父母反應係點」、「點解間屋留畀你係理所當然？既然2個細路，梗係對分，各一半業權」、「樓主咪儲多啲自己買樓住囉」。

【延伸閱讀】

公屋上樓 | 獲派健明邨如中頭獎🏘️ 房署一個原因不准簽約兩母子憂瞓街

公屋上樓 | 輪候8年首派海景公屋 單位附一樣「贈品」5口家超幸運🥰

公屋單位 | 女兒私下購私樓 婆婆不知情被房署查出迫遷