夏春秋逝世 | 點解叫「冬叔」？為養家曾轉行做夜總會 談人生最大成就：生咗君如 一個原因難做小生

【夏春秋/冬叔/吳君如/六合彩/養家/夜總會/六合彩之父】曾主持六合彩攪珠多年的「冬叔」夏春秋離世，享年93歲，消息由其女兒吳君如於社交平台公布。

點解叫「冬叔」？

夏春秋原名吳錦泉，因藝名包含的只有四季中的「夏春秋」，而沒有「冬」，黃霑認為「冬叔」寓意好，亦意指「Don't縮」（「不要縮」），自此開始以「冬叔」來稱呼夏春秋。

為養家曾轉行做夜總會

冬叔自1953年起參演電影，當時他身兼洋行職員一職，與何楚雲、陳炳球等人組織業餘話劇團，他並後加入香港電台當播音員，至1957年轉投麗的映聲擔任播音員。在1961年，冬叔一度淡出娛樂圈，為養家轉行從事酒樓、酒店、夜總會、辦公室等文職，至1969年復出重投麗的電視，至2000年後才離開工作長達30年的亞洲電視。

冬叔早年受訪時，曾表示當年是想做小生，「點知嫌我太矮，所以一直做吓配角，之後被安排做六合彩主持人，我唔係用報道式去做，較生活化，啲觀眾就鍾意睇」。他更指因此經常「爆騷」，最高紀錄試過接13個廣告。

談及女兒吳君如，冬叔直言對方在自己眼中又醜，屁股又大，但當初是他幫助吳君如打開演藝之路，「我幫佢報名麗的訓練班，點知冇回音，於是帶佢去見劉芳剛，咁就收咗佢，之後我都冇再幫佢，任由佢自己發揮」。

談人生最大成就：生咗君如

冬叔認為吳君如遺傳了其表演因子，女兒如今在演藝圈得到如此佳績，他亦老懷安慰：「佢由細到大都好孝順，而家佢有能力，又會主動供養我哋。我覺得自己最大成就唔喺娛樂圈，而係生咗君如。」

【延伸閱讀】

夏春秋逝世 | 主持六合彩攪珠17年 心水2個號碼 用女兒八字下注有無中過獎？ 問及中獎貼士咁樣講

「六合彩之父」夏春秋離世 享年93歲笑意常存

曾與吳君祥成婚10年惜未偕白首 前新抱江美儀痛悼冬叔離世