蓮塘口岸最新香蓮街市試業🎉下層賣鮮肉蔬菜🥬｜上層火鍋區🍜｜口岸步行 2 分鐘即達

深圳蓮塘是香港人北上買平餸的熱門地點，全因肉菜市場多多，好像森照及坳下兩大肉菜市場，老老實實，港人分分鐘仲多過本地人！

剛剛又有新街市出現，由口岸商業城行過來 2 分鐘就到，裝修新、還有冷氣，有新概念營運，街市旁還有新開的美食一條街，睇牌面好似完勝同區的兩大街市。但講到尾，最緊要平靚正！究竟這個新街市值唔值得去呢？

圖片來源：置家兄弟 YouTube 截圖

香蓮街市開業大約 2 個多星期，10 月 15 日正式試業，入口處更大大隻字寫住：「有冷氣的街市」，擺明搶附近濕貨街市及路邊攤的市場。

Youtuber 置家兄弟就在場內實拍。街市分為 2 層，下層主要是濕貨市場，售賣鮮肉、蔬菜、滷水、麵包、飲品、潮汕鵝、廣皇雞專櫃等，乾淨好行。不過地方不大，大小似一家超市多於街市。

圖片來源：置家兄弟 YouTube 截圖

小白菜、小唐菜、菜心苗、韭菜等，每份僅需 ¥2-4；燒味如白切雞、鹽焗雞及豉油雞等半隻 ¥44 起，獅頭鵝 ¥58。價位跟同區街市比又好像優勢不大，不過勝在近口岸又有冷氣，唔使轉地鐵去仙湖路站才買到餸，趕住買餸過關返香港嘅都可以諗諗。

圖片來源：置家兄弟 YouTube 截圖

上層設有火鍋區，有多家火鍋作選擇，如賣潮汕火鍋或雞煲等，最特別是這層設有現切牛肉專櫃，火鍋料即叫即切，食材同營經概念都夠新鮮。

圖片來源：置家兄弟 YouTube 截圖

其中 2 款二人餐價錢 ¥268-288，分別為清補涼雞煲（配鮮鮑魚、牛肉丸、炸支竹、爆漿紅糖糍粑、蟲草花及乾炒牛河等），另一款為藥膳牛尾鍋（配五花腱、匙柄牛肉、牛雜拼盤及生炒牛肉飯等）。都算抵食！

圖片來源：置家兄弟 YouTube 截圖

反而，街市旁多有多間餐廳開業，包括香蓮粉記、香蓮糖水（主攻奶茶及龜岺膏）、香蓮餐廳（主攻藥膳雞鍋、牛肉火鍋、手打牛丸）、香蓮脆肉鯇（主攻中山脆肉鯇火鍋）等，過關前後來吃點東西反而更吸引。

圖片來源：置家兄弟 YouTube 截圖

✅ 街市距離蓮塘口岸只有 2 分鐘步程，方便

✅ 有冷氣又乾淨

✅ 蔬菜新鮮

✅ 可以即買即到上層火鍋區打邊爐，勁新鮮！

✅ 街市旁有多間餐廳，買餸 / 過關前後可以歎下

✅ 下層的價錢牌用繁體字，夠貼心

✅ 不少店員會用廣東話溝通，夠貼心

❌ 街市面積細，規模只像超市

❌ 價錢優勢不大

❌ 蔬菜比較齊，肉類、滷鵝及燒味選擇不算多

❌ 暫未見有游水海鮮供應

📍 地址：深圳市羅湖區黃貝街道蓮塘片區西嶺下村

🚇 公交方法：深圳地鐵 2 號線蓮塘口岸站 A3 出口，步行 2 分鐘

⏰ 營業時間：12:00-20:00