深圳珠海3大住宿優惠｜67折住南頭古城 盡情Cafe打卡

去大灣區旅遊即日來回嘅行程，相信已經唔能夠滿足大家嘅要求。好多朋友嘅旅行計劃已經延伸到兩至三日住宿嘅短Trip。未來一個月有咁多假期，小編就幫大家搜羅到大灣區3個唔錯嘅住宿優惠，當中包括近年非常Hot嘅景點「南頭古城」附近，立即為大家推介。

67折入住｜深圳南頭古城有熊酒店

今年大熱嘅深圳旅遊景點南頭古城，入面唔單只有充滿歷史感嘅古城牆、博物館，裡面更加開設了好多美食小店，以及非常受歡迎嘅打卡Cafe，例如集福咖啡Gif、圖南冰室等。淨係南頭古城都可以玩一日，所以如果去前海區遊覽，可能預1至2日行程會更加優質。今次推介嘅酒店正正位於南頭古城入面 - 深圳南頭古城有熊酒店，想喺古城入面玩足一日就啱晒，是次訂房優惠透過以下連結有67折起，房間設計帶點工業風，大樓較旁邊嘅舊樓為高，所以都有少少遠景觀賞。

深圳南頭古城有熊酒店

優惠：67折起（有熊大床/雙床房1間1晚，折後HK$922起)
開售日期：即日至2025年1月31日
適用日期：即日至2025年6月30日
開賣連結：https://bit.ly/41TDCyU

52折入住｜珠海蔚景溫德姆酒店

自從港車北上興起，自駕去大灣區旅行亦都成為新趨勢。而珠海嘅酒店業都不時推出優惠吸客，好似今次推介嘅珠海蔚景溫德姆酒店，位於前山水道旁邊，由拱北口岸揸車去到酒店大約11分鐘，非常近市中心。今次快閃52折優惠推出至1月31日，客房1晚只需要HK$524起，就算係周末都只係貴多HK$81左右，勁平！

珠海蔚景溫德姆酒店

優惠：52折（客房1間1晚，含雙人自助早餐，折後HK$524起）
開售日期：即日至2025年1月31日
適用日期：即日至2025年3月31日
開賣連結：https://bit.ly/4gQdeLb

72折周末不加價｜珠海梧桐樹酒店

有咩抵玩得過平日同周末嘅房價係一樣，咁就可以好好計劃連假嘅行程。同樣位於珠海嘅梧桐樹酒店唔單只有72折著數，房價HK$684起，新年期間會貴些少。套票除咗包房間一晚之外，仲包雙人早餐、1大1小梧桐樹兒童世界套票，以及雙人下午茶，如果係計劃港車北上親子遊就最適合。

珠海梧桐樹酒店

優惠：72折起（客房1間1晚，折後HK$684起）
開售日期：即日至2025年1月31日
適用日期：即日至2025年2月17日
開賣連結：https://bit.ly/3W1cZo9