同屋企人去旅行｜5.4首播關楓馨關禮傑父女同遊惠州 真情流露爆喊

TVB全新旅遊節目《同屋企人去旅行》一共6集，昨晚（4日）起播放第一集，首集嘉賓是關禮傑、關楓馨父女出發往惠州旅行，今次原來是關氏父女首次單獨去旅行，行程相當豐富，體驗中式High Tea、海灘越野車、遊水東街夜市、浸住溫泉睇煙花及出海玩帆船等。

體驗完一系列好玩好食之旅，關禮傑想着投女兒所好，不斷打卡留念，關楓馨卻嫌棄爸爸擺甫老套兼拍照技術麻麻，關楓馨笑言：「啲角度完全係錯晒！」晚上，關氏父女一起摸酒杯底盡訴心中情，關禮傑問女兒：「你而家喺娛樂圈，你覺得『關禮傑』呢三個字，係咪一種負擔同壓力？」關楓馨回答時真情流露爆喊，關禮傑自揭當初不願意讓女兒入行,原因：「你問過我，可唔可以選港姐入呢行，當時我應承話係可以，但我內心係唔願意。」關禮傑何以最終又會開綠燈？