車Cam直擊｜沙田廣源邨兩車「互頂」 逆線司機爆粗怒罵：你識唔識交通規則？

沙田廣源邨發生兩車交通爭執。上周六（10日）晚上10時許，於廣源邨停車場駕駛私家車駛出廣善街時，有一輛白色平治房車逆線駛入，更響咹提示事主私家車讓路，兩車出現爭路情況，雙方均未能離開；而對方司機落車要求他立即離去，期間夾雜大量粗口。

白色平治房車司機落車後，與事主對質，期間夾雜大量粗口。(網上影片截圖)
兩車車頭互頂爆發爭執

從車CAM片段所見，兩車車頭互頂，雙方均未能離開，因此爆發爭執。白色平治男乘客及男司機先後落車：「走唔走呀?」，事主回應指：「你逆線喎！我轉左，點走呀?」。平治男司機怒罵：「點逆線呀？你有無打燈呀?走唔X走呀？X你老X!」事主：「我轉左呀！」平治男：「左你老X呀，依家！」

平治男司機：「識唔識交通規則呀?」

雙方互不相讓。平治男司機：「逆乜X嘢線呀！識唔識交通規則呀?」又揚言「打你老X！」讀者表示只好報警。平治男司機情緒激動：「好，我同你玩，X你老X，唔X好走呀！走正縮頭烏龜。」其後片段隨後完結。