法庭｜警司陸振中涉殘廁逼女下屬口交 事主稱被告曾表白

已停職的前沙頭角分區警司陸振中涉前年殘廁3度非禮女警案，案件今（13日）於區域法院續審，被告否認非禮、危駕及襲擊等7罪。女事主供稱，被告經常借故接載她上下班，並曾載她到大埔龍尾沙灘看風景，其間被告突然用手搭她肩膀；被告另曾在接載女事主上班時表白，她回應「你有老婆㗎喎」，被告卻稱「你都有男朋友啦」、「難得大家走埋一齊，係一種緣分」，下午續審。

女事主稱「如果拒絕咗，佢會濫用職權」

女事主X供稱，2022年7月3日，X快測結果呈陰性，她通知被告陸振中（43歲），被告着她翌日復工，並致電表示7月4日會來接載X上班，X不敢拒絕，「佢高級過我，我驚如果拒絕咗，佢會濫用佢嘅職權」，被告又表示自己「對每一個確診咗嘅同事都係特別照顧」。

被告車內向女事主表白

被告接下來數天都駕車接載X上下班。X供稱，7月5日下班時，被告載了她去大埔龍尾沙灘及稱要下車看風景，「個陣落毛毛雨，佢（被告）擔遮，遮咗我去看台」，兩人看向海和沙灘方向，其間被告突然用手搭她肩膀，「我好驚好驚，我問佢『阿Sir你做乜呀』」，但被告沒有回應。

7月6日，被告接載X上班，X稱被告在車內說「鍾意我」，「我就同佢講，阿Sir（被告）你有老婆㗎喎」，被告則回應「你都有男朋友啦」及稱「難得大家走埋一齊，係一種緣分」。X稱她當時沒有回應被告，「我唔知、唔識點俾反應佢」、「因為佢個觀念好錯呀」。

被告車上觸摸女事主右手

隨後數天，被告都沒有再找X，但X在7月13日上班時，在其座位發現一個公文袋，內有一部全新的「小米」電話。X稱同日下午她致電被告，被告承認手機是他給的，「我話部電話太貴重，我唔可以收」，但被告要求X使用；翌日X上班時，被告發現她沒有使用「小米」電話，便私下問X「你做咩唔用我部小米，你唔用，我揾唔到你做嘢」，所以X不敢不使用。

X又稱，當晚被告透過微訊告知翌日會接載她上班，被告翌日在車上又觸摸她的右手，「忍唔住掘左佢一下，佢就縮手」。X續指，同年7月15日的飯局上「佢（被告）就出左事，我就逃離咗佢魔掌」。