【有片】港產大熊貓BB ︳初生龍鳳胎開官方IG記錄生活 躲被窩內蠕動 成最年輕KOL

大熊貓盈盈誕下龍鳳胎第3天，全城繼續關注兩個小生命的成長情況。海洋公園特意為這對姊弟開設IG帳號，記錄牠們成長過程的點點滴滴。

帳號開設了3日，至今已有近兩萬人追蹤，人氣一時無兩。

熊貓BB好想看看外面的世界。(IG截圖)

貓貓BB要冚被保暖

海洋公園昨(8月18日)上載了兩條片段，第一條片段園方考考大家︰「估吓 BB 喺邊度？🔍大熊貓 BB 仲細個，未有自身調節溫度嘅功能，所以需要被仔保暖 💕不過淨係聽聲， 佢都好似好期待見到大家咁喎～」

熊貓BB努力地從被子裡爬出來。(IG截圖)

躲被子不停郁動

片中可見是小寶寶們的保溫箱內，見寶寶在被子下不停郁動，看來十分活躍，雖然未見牠真身，但卻聽到牠那清脆響亮的叫聲。

熊貓BB好可愛呀！(IG截圖)

熊貓BB活躍又好奇

第二條片終於見到寶寶努力地從被子裡爬出外面「唞唞氣」，小小身體卻有著強大的意志力和頑強的生命力。

園方指「好奇 BB 嘅一小步🥺🐾你哋咁熱情，BB 都忍唔住伸個頭出嚟望吓大家先 🐼真係好好好期待同 BB 見面嘅一刻呀！🥰」