熱爆話題｜九巴車廂太熱「妹妹」疑中暑暈倒 車長被鬧拒開大冷氣 真相曝光神逆轉

近日本港天氣持續酷熱，市區氣溫更高達33度以上，市民即使乘搭有冷氣的交通工具亦不見得一定涼快。

九巴B1路線來往天水圍與落馬洲。(網上圖片)

妹妹乘客疑車廂中暑暈倒

有網民在網上社交媒體上載一張相片，見巴士外陽光極猛，車廂中有乘客疑似暈倒，其他乘客圍上前幫忙照料。

上載者發文「突發，B1叫極司機開大冷氣死都唔開，終於有人頂唔順中暑暈左。」九巴B1路線是來往天水圍及落馬洲站。上載者其後又留言聲稱「有個妹妹暈左先開大冷氣」。

有網民上載相片到社交媒體，指有「妹妹」乘客於九巴車廂內中暑暈倒。(網上圖片)
網民認同巴士車廂有時太熱

帖文引來網民熱烈討論，有網民認同九巴車廂有時太熱︰「九巴冷氣巴大熱天是唔夠冷氣」、「B1啲車其實真係好熱，真係唔知點解」、「我試過九巴太熱，同車長講咗，好似直情壞冷氣，咁，我在下站立即落車，唔想在車内中暑！」、「直頭要罷坐B1，咁熱，搭的士好過啦」。

網民反駁︰冷氣set死咗

但不少網民反駁樓主指，九巴司機是無法調較車廂的冷氣，「車長能夠觸及的只有開關掣，其他掣係封死晒，車長冇得搞，巴士公司亦規定車長唔可以搞，否則會被紀律處分」、「公司冷氣set死咗架」、「司機有的冤枉，此類不適純粹個別事件。

大巴冷氣只有兩類選擇，開或關和風或冷。不存在開一半冷氣的問題存在！」，更上載巴士的冷氣控制板相片以正視聽。

有網民指，巴士上冷氣調較板被封死，故司機無法自行調校。(網上圖片)
九巴員工拆解︰車長係冇辦法自行調校

由九巴員工運作的專頁「九巴和你Bus」過往亦曾發帖解釋，「有乘客向車長投訴冷氣不足時，由於巴士嘅冷氣控制板係被工程部鎖上，車長係冇辦法自行調校，所以車長只可以安排乘客過車，費時失事。」更建議「乘客可以善用巴士公司App嚟向巴士公司反映冷氣不足問題㗎！一般公司收到乘客投訴就會儘快安排有關巴士當晚收車後回廠檢查，並交由工程部調校冷氣溫度。」

由九巴員工運作的社媒專頁，以往曾解釋過司機無法調校冷氣溫度。(網上圖片)
九巴回覆︰因應天氣變已把全線巴士車廂冷氣溫度調低

九巴回覆傳媒查詢時表示，8月25日當日未有收到類似乘客求助個案，正在搜尋資料，暫未能確定事發經過、詳情及起因。

九巴強調，響應政府呼籲節能減排，根據指引將車廂的室內溫度維持在24至26度；九巴早前因應季節天氣變化，把全線巴士車廂的冷氣設定溫度調低，而為統一所有巴士車廂環境，車長在駕駛時不能自行調節溫度或風速設定。