車Cam直擊｜無品Tesla搶學牌泊車位　網民狂插「老土又無品」！

香港寸金尺土，泊車位需求極高，因此在街上尋找泊車位也不容易，但今日（10月16日）一輛Tesla私家車就因為泊車位而受到網民圍插，只因車主無品連學牌泊車位也搶走！

一名網民在網上發文寫道，「搶學牌仔泊車位，人地都入緊去，仲一野插埋去，其實前面仲有位，再唔係你停後面等等，人地見到你想泊車會走架…老士又無品」。據附上影片所示，學牌私家車正慢慢準備駛入泊車位，但Tesla私家車卻無視學牌，並迅速駛入泊車位，學牌私家車只能中途停於馬路中間。該網民又指，其後教練即時下車與車主理論，但Tesla車主則指「無泊位」而無視他。

影片截圖影片截圖

Tesla私家車車主的行為惹起網民圍插，有網民認為司機「無人性」，指給學牌司機留下壞印象，亦指出共實只需等數分鐘便有泊位「人哋練完兩下都走架啦，等多幾分鐘咪有得泊」、「Tesla 呢個行為真係無得頂，咁搶人車位係衰，學車都搶就更衰」、「雖然冇話啱同錯 ，不過呢啲係做人好基本品格」、「成年人點做得出呢啲行為，厚面皮到癲睇到都覺得尷尬」、「如果郁緊車後波泊車，佢咁樣攝入嚟令到緊急煞車，佢係咪不小心駕駛?」、「人永遠無同理心，如果調返轉，佢泊緊車，比人入左，咁又點呢？」。