多圖｜港男「命令式」投訴九巴熄路線牌　被網民瘋狂抽水惡搞

香港滿街雙層巴士的光景，不僅吸引外國旅客參觀，亦令不少本地市民成為「巴士迷」。近日一名港男「巴士迷」則懷疑想拍攝一輛九巴及電子路線牌，卻因車長休息熄匙而感不滿，更將事件放到網上公審，結果被網民瘋狂抽水惡搞。

一位港男在社交平台群組上，貼上兩張照片及「命令式」寫道，「見到我都熄咗牌，你都幾大膽，已經投訴咗」，只見他拍攝一輛已停車熄匙的九巴巴士，以及附上一張投訴表格，內容指他在昨日（10月21日）於葵芳站巴士總站內，疑對一輛「32M」車長的服務不滿意故作出投訴。

網上截圖

不過，網民看後紛紛力撐車長，其後更有為數不少網民模仿該港男出帖發文瘋狂抽水恥笑，多個巴士群組內亦見「抽水身影」，連日惹起網上瘋狂討論，更指該港男無理取鬧，「佢想影相，嗰幅相要有路線牌，跟住因為車長熄咗車，順便熄埋路線牌，跟住佢就唔gur，簡直無理取鬧」、「跟公司規矩都俾人投訴，車長好慘」、「大哥，到總站清空了車，下一趟不是他開的也不是這輛巴士，熄牌很合理啊」、「自己唔清楚仲要放上網話俾人聽，依家啲人真係奇怪」。