有片｜馬鞍山半夜驚現「黑衣人」企公路攔車　片段引發網友熱議

馬鞍山昨晚（10月24日）半夜驚現一位「黑衣人」危險企公路攔車事件，車Cam片段更被一位司機放上社交平台，引發網友熱議。據社交平台片段所見，一位疑為巴士司機正沿馬鞍山繞道往馬鞍山行駛時，突然在路中心出現一名身穿黑衣的人士在路上攔車，司機立即響咹並大呼「搞乜嘢」，其後「黑衣人」走到一旁，司機重新開車，影片結束。

影片截圖

該段影片引發網友熱議，網民表示好牙煙，坦言若司機看不清，便有可能引發車禍，「好彩司機無合眼瞓，唔通又碰瓷？」、「香港揸車每日都要面臨挑戰，每日都擔心安唔安全返到屋企」、「係咪有啲野佢睇到而我哋係睇唔到」、「如果揸揸吓呢條路有條友咁樣行出嚟真係嚇死」、「仲要黑衫黑褲、天黑，真係嚇死」、「如果巴士司機真係收唔切撞左埋去，又會比其他人話司機錯哂」、「所以揸車幾時都要望遠啲， 要有危機感」。