茶餐廳早餐奇招「搵笨」被指收多客人$5蚊　原來因為這件事？

黃大仙一間連鎖茶餐廳的經營手法，近日在網上引起網民討論，只因被指在早餐時段「搵笨」收多客人錢。有食客在社交平台發文，斥當日在茶餐廳內點了兩份早餐外賣，當中包括一份奄列及一份煎雙蛋，其中一份改為太陽蛋，但結帳後卻發現被無故多收5元。仔細看他附上的收據，原來餐廳在煎雙蛋套餐中改為奄列，從中多收5元，原本為奄列餐點則改為太陽蛋，不另收費。

網上圖片

收多客人$5原來因為這件事？

收據中寫上「煎雙蛋是日餐包（轉奄列$5）」，及「火腿奄列是日餐包（太陽旦）」連計外賣盒2元及凍飲等收費，兩份早餐共計92元。該食客指，若餐廳簡單地煎雙蛋改成太陽蛋，全單便不用再額外加錢，收到的食物亦不會有變化。但現在卻因侍應落單方式不同，而令食客無故被多收5元，故質疑餐廳「搵笨呃錢」。

帖文引起網民討論，「應該你兩個私底下轉，唔好落單轉咪唔使加錢。我有冇理解錯？」、「跟本就唔使轉， 定係你無睇餐牌而又咁落order, 咁你點講咪人地點落囉」、「落單嗰個轉數唔夠快，其中一個餐已經有奄列，唔使轉，不過要將B餐調過A餐咁解，將煎雙蛋轉太陽蛋咁就慳5蚊」、「好心你唔好咁小氣啦，果5蚊都要專登上黎出post」、「會唔會係自己手機落單，自己落錯左」、「人地餐牌寫明，你自已落單唔留意姐」；但亦有網民認為職員無義務為食客慳錢，「我覺得…客人點叫侍應點落單，侍應無義務同個客諗點落單最慳，下次唔好轉來轉去，上餐嘅時候自己調咪可以慳返$5」。