有片｜港女坐的士突開門撞花私家車　司機網上「嗌救命」惹熱議

不少男人視自己私家車是「愛妻」，對其呵護備至，但近日一位男司機亦因為被一位女士開的士車門撞花私家車而感到非常難過，更於網上發文「嗌救命」尋人索償，引起網絡熱議。

一位男士在網上發文，表示早幾天的凌晨時分，他在路上駕駛並停車等待燈位時，一旁的的士突有一位女士開車門，導致其私家車的車門受損毁。他又說，「原本已經同的士司機示意，我們在前面不阻交通的情況下停車處理，誰不知的的士司機一開車就爆衝走了。」

影片截圖

該男士亦附上一條長約29秒的影片，影片中可見的士停車後，車門突然開啟，並撞到私家車，車上一位女士疑似向車外作出嘔吐動作，她手執電話疑在聊天，其後她更說出一句疑似口型「咩呀」的說話，男司機立即伸頭出車並向司機及乘客商議事件，惟女士之後隨即關上車門，的士亦向前駛數走，影片完結。

網民看完片後紛紛抱打不平，聲稱要為男司機尋回公道，並指出的士司機疑似已犯法，有人指，的士司機或已犯「交通意外後沒有停車、交通意外後沒有報警、不小心駕駛」三罪行。

網民言論：

- 一律入落汽車第三者保險，搵唔搵到個女人根本唔成問題，亦都唔係受害者責任，的士佬自己放走女事主係佢嘅事，但依家個的士佬起碼衰刑事罪先
- 唔飲得就咪鬼飲咁多，亂咁開門撞花人哋度門
- 的士佬就係知走左無手尾先即走
- 似乎真係好有機會係司機撳掣開門，道門先至會彈得咁大力。都睇得幾清楚女事主一手揞住個嘴，似乎冇乜可能開得咁大力。同埋行車嘅時候，四門應該係上鎖，唔係司機撳掣，後座乘客唔會開到門。而且本身司機如果冇責任，只係要交出女乘客，絕對應該喺前邊停車，反而司機不顧而去，更加肯定好有機會係司機一手責任。
- 推門，嘔，望車主，舐嘴，想閂車門但俾車主擋咗下，掃頭髮+同車主講好似講咗句仆街，用手抹鼻+嘴，閂車門，見到車門下有少少嘔吐物，希望車主可以盡快揾到佢
- 愛車受傷，好難受㗎，我好明白
- 睇落唔似係乘客開門，似係司機撳掣，佢應該係打開車門嘔，閂返門見到疑似的士門邊都污糟咗