有片｜沙田「木人巷」馬路1分鐘3單危駕　司機驚到想做1件事

香港考牌不易，成功考牌的駕駛者可謂經過重重難關，不過在道路上仍要面對不少「道路炸彈」的出現。近日有司機在網上分享一段車Cam影片，可見在短短一分鐘內，馬路上險象環生，更嚇得司機說「想交返個牌」，影片亦惹熱議。

一位司機日前行經沙田正街一段路時，馬路環境險象環生。首先司機開車時，先遇上一輛的士繞過小巴，兩車更險相撞，不出3秒後左側一輛貨車未有蓋好尾板便倒車，嚇得車上乘客「哇哇大叫」；當轉到沙田新城市廣場近帝京酒店入口處時，一輛私家車突然橫出，並舉起手勢，司機喃喃自語「佢唔係想轉過去嘛？」，豈料私家車如他所料真的越線駛過，令司機不禁說了一句「我真係交返個牌岀嚟。」

影片截圖影片截圖影片截圖影片截圖

影片惹起網民熱議，有網民認為司機非常好運，因沒有受傷，亦有人指應該舉報不守法的司機，以糾正道路安全，「一街都係恐怖司機」、「司機EQ高，一路行咁耐都係笑笑口講」、「嘩，非常好嘅教材」、「究竟時運有幾高，先可以喺一段路仔遇到咁多叻叻司機」、「可以當選本年度十大最佳車cam片」、「咁短距離都有幾粒馬路炸彈」、「而家係人都可以喺路上揸車，路上越嚟越危險」、「呢條路真係精彩...」、「沙田駕駛學院考哩條線，到時就死得人多喇」、「呢啲要釘牌，舉報佢吧」、「香港之日常，1條街撞幾單」、「日日發生！很危險」。