淘寶散貨場「淘佳佳」入駐香港惹熱議　仲有呢間大公司送花籃？

近年香港吸引不少內地企業插旗，繼不久前有瑞幸咖啡及好特賣HotMaxx在港開分店後，最新淘寶散貨場「淘佳佳」亦在天水圍開設第一間分店，消息引起全港市民討論，更有不少大公司送贈花籃祝賀。

有網民在社交平台發文，指「銀座開咗間有蓋~~天光墟」，另附上數張圖片。據圖片所見，「淘佳佳」開業儀式墟冚，店門前收到數十個開張花籃，當中包括淘寶、天貓、中信銀行等大型企業；店內則人頭湧湧，鐵製貨架上「堆疊」了不少貨品，如手機殼、小型家電、家庭用品等。而據「淘佳佳」官方社交平台表示，香港分店於天水圍「+WOO嘉湖」商場開設，該店於上周日（10月27日）開幕，主要售賣小型家電、服飾以及手機配件等等。

「淘佳佳」入駐香港。(FB@Keylex Chow)「淘佳佳」入駐香港。(FB@Keylex Chow)「淘佳佳」入駐香港。(FB@Keylex Chow)「淘佳佳」入駐香港。(FB@Keylex Chow)「淘佳佳」入駐香港。(FB@Keylex Chow)「淘佳佳」入駐香港。(FB@Keylex Chow)

網民1句話解釋唔幫襯

「淘佳佳」入駐香港引起全港市民討論，有不少網民表示，自己絕對不會購買，「全部淘寶貨，質量太差，揀唔落手，仲有祇收現金及八達通」、「好明顯係失件拎黎賣」、「售貨員全部用(煲冬瓜)回應提問，電器全部大陸插頭。」、「感覺救世軍仲好過佢。燈光又暗，陳列又差，店員又大陸面孔，唯有講佢好有噱頭，至少差到有人提起佢。」、「真係淘完就咁放喺到賣包裝都唔拆」、「成個場好似雜架攤咁，衰過d二手店！」；也有人指若是便宜，也可以接受，「幾得意阿新開張」、「百貨應百貨，岩用咪買囉」。