旺角豆品店芝麻糊「特殊方法」製作惹議　網民嘩然：咁都得？

香港人喜愛吃糖水，除西式甜品外，中式糖水亦非常受歡迎，近日在旺角新開的一間豆品店，就以特價甜品作招徠，吸引不少食客光顧，但有網民卻發現，該豆品店的芝麻糊，原來是以「特殊方法」製作，引起網民嘩然。

芝麻糊竟然係用呢樣整？

在周六（11月2日），有網民發帖文，寫道「無良奸商的典範，旺角新開的豆品店。」，並附上兩張照片，第一張照片可見該店人山人海，食客眾多，亦可見豆品店以特價甜品作招徠，特價大多為十多元；至於另一張照片則揭露該店芝麻糊的「特殊製作方法」，原來是採用即沖芝麻糊粉製成，並非坊間常見的「石磨」或攪拌機自行製作及烹煮。

網上圖片網上圖片

芝麻糊「特殊方法」製作引網民嘩然

事件引起網民討論，有人認為被搵笨，因超市已可買到，也有人認為小店用即速芝麻糊粉實屬合理，因沒有提及現場即磨，「其實都算係香港做嘅，有良心嫁喇」、「十蚊碗，你唔係以為自己磨完再同你煲呀？」、「人地有話現場即磨？」、「你估個個都係順德貞姨咩？」、「就黎十蚊碗，連黃豆都要自己種」、「咁細間鋪點樣可以自己磨？擺喺街磨等食環署嚟開告票呀？」、「睇開啲啦！接受唔到嘅咪唔好食囉」、「人地專買豆品 又唔係即磨芝麻糊」、「師兄，有幾多間會自己磨？」、「食十元八塊，又要自家磨，以後唔好出街食嘢，自己在家做/」、「如果佢冇寫"現磨芝麻糊" 或者 "即磨芝麻糊", 佢咁做 又未必有問題喎」、「係唔係都話人奸商，香港人真係好大壓力」、「自己去惠康買幾包沖粉仲抵」、「十蚊仲想點？自己煲囉！」、「人地又無話即磨！啱食咪食囉！唔啱就無下次，理得佢攞貨唔攞貨！」、「咁樣都得？我自己沖算啦」。