有片 | 烏龍司機手機放車頂閙市行駛 竟引爆網民類似「慘痛」經歷

網上fb群組最新流傳一則帖文並且附上一段視頻，指出昨天 (10月8日) 早上帖主見到一部白色私家車的車頂上疑似司機遺留的手機，好心帖主希望發帖提醒該車主，但意外地引爆不少網民類似的「慘痛」經歷。

網上fb群組視頻截圖網上fb群組視頻截圖

網民對此反應極大，不少人表示有類似經歷，紛紛留言指「我試過漏咗杯咖啡在車頂」、「我聽到震搵唔到，上到屯公先發現係車頂」、「我試過一次，同架警車一齊排頭位」、「咸豐年前我都試過，懶有型咁放部大水壺響車頂，就咁就放低咗響龍翔道」、「我試過成份工程圖紙，留咗喺車頂一開車飛到周街都係」、「我試過係Ipad由九龍灣站渣到去海濱公園」、「試過開門順手放左杯奶茶上頂，一開車成杯飲哂」、「我試過兩次」等，也有人留言表示「證明司機行車好穩定」、「好乖，渣車冇玩手機」、「用咩手機殼～幾防滑」、「露天個gps準d」等。