有片｜沙田新城市廣場煙火匯演散場「勁逼」險象環生　惹網民爭議

沙田新城市廣場建立40周年之際，商場於上周六（11月16日）晚上舉行歷時8分鐘的煙火匯演，惟活動完結後大批市民散場離開，新城市廣場內的扶手電梯更出現人塞人情況，險象環生，保安需催促人流向前行及在電梯上層截人避免意外發生。

社交平台有專頁報道新城市廣場資訊，並發布一段影片，影片內大批市民擠在場內多條扶手電梯，其中一條下行扶手電梯的出口，左右兩邊都企滿人，因人太多而擠塞，即將到步的人被前面人群阻擋，未能及時散去；期間有保安人員大叫「行快啲！行快啲」，令人群及時分流，亦有保安人員截停電梯上層入口的市民。

影片截圖

影片惹網民爭議

影片引發網民熱議，擔心釀成人踩人意外，「分分鐘人踩人」、「支持左企右企嘅今次又有咩解釋」、「睇見D左右企幾咁危機！一到出口人碰人！不幸有條老野企唔隱！就人疊人！諗左企右企果D真係無乜安全意識！」、「停電梯啦」、「左右兩邊企，要出事會大鑊過左行右企」、「人太多疏導唔切，停止運作係啱嘅」、「雙排電梯勁危險」、「扶手電梯兩邊都企人咪會消化唔切囉，因為啲人一到步總係鍾意企喺度望路」、「寧可迫大家慢慢行上落扶手電梯，起碼唔會有大意外，最多廣場畀人鬧啫，好過有悲劇發生。」、「無人踩人都偷笑」、「出左電梯位就要快少少行開啦」。