有片｜半山綠Van突倒車入黃格撞低鐵騎士　網民籲鐵騎士要做呢件事...

半山日前發生一宗交通事故，有鐵騎士慘被綠Van倒車撞到。事發於周一（11月18日），一名鐵騎士駕電單車，駛至肇輝臺路口時，前方一輛綠Van突然倒車入黃格，但司機疑未有看到後方有電單車，故全速後駛，最後鐵騎士被撞跌至地上。

受傷的鐵騎士在網上公開肇事影片及自己受傷的照片，指自己當時已響號提醒司機，但反被說「呠得細聲」，鐵騎士更表示「嬲到我呢…」。

影片截圖鐵騎士受傷照片。(網上圖片)

網民籲鐵騎士要做呢件事！

不少網民對鐵騎士的遭遇深表同情，紛紛祝願他早日康復，亦有好心網民教路，記得向綠Van司機索償，「會唔會好嚴重啊？保重啊！」、「攞車手獎告埋佢不小心駕駛」、「嘩好彩撞完識停，祝健康」、「傷左一律建議搵律師幫手」、「上次喺八鄉出迴旋處，有車過緊我都唔出住，個小巴佬好似睇我唔到咁樣，喺我右邊攝出嚟爭啲撞跌咗我。」、「條頸好嚴重，起碼要休息一年半載」、「搏唔過喇師兄，嚟遠見到佢停低加後波燈」、「電單車真係自己小心都無用
，周街都馬路炸彈」、「好彩係綠van，紅van仲唔走你數」、「小巴佬揸車唔使理人的」、「哇、小巴佬咁樣揸車想撞死人咩」。