有片｜銅鑼灣的士亂Cut線險撞車生意外　後續竟然超狂？

再有的士「亂Cut線」險導致交通意外發生！日前有車cam片段拍到，一輛的士在銅鑼灣沿維園道向灣仔方向行駛時，在未有打燈的情況下、超雙白線越線，令車主及一旁的綠Van緊急剎停，不過後續竟然超狂！

影片截圖

只見車主上載另一段後Cam影片，原來後方有一名交警鐵騎士，交警看到的哥此行為後，立即追上的士，其後影片結束。不少網民表示大快人心，「原來都嚇親ar Sir，一定要即時派彩啦」、「其實呢條路拉長啲雙白仲好啦，啲的士成日最尾先cut入嚟」、「優質的士+1」、「捉多啲呢啲人就岩啦」、「放長啲條片，我想睇彩蛋」、「直頭爽，大快人心」、「條氣即刻gur返」。