有片 | 巴士男疑帶違規風火輪拒下車 全車狠駡後續真瘋狂😡

網上最新流傳一則帖文及並且附上手機視頻，事件相信發生在今天 (11月27日) 早上8時許一輛 968A 往銅鑼灣 (天后) 的九巴上，帖主指出「元朗 Yoho 站，拿電動車夾硬要上，司機好聲好氣話唔比上，叫左三次落車都唔落，仲叫司機比番錢佢，搞到報警，全車過車。群起而X之 / 勸之都僦無反應。呢位先生要變網路紅人，我成全佢。」

其間該名疑似違規的黑衫黑褲戴面巾男子不斷被車上其他乘客指駡「搞到成車 (人) 無得搭」、「阻鬼住呀大佬」、「報警咁威」、「自己衰就走啦，你想紅，係咪想紅?」等。

網上fb群組視頻截圖網上fb群組視頻截圖

網民對事件議論紛紛，其間有疑似該部巴士的車長留言表示「我係車長首先阻住咁多位返工真係唔好意思，曾經有諗過照行，但佢咁樣大搖大擺上車真係忍唔住，希望各位見諒，佢未拍卡，我已經同佢講唔上得，咁當然佢一定扮聽唔到，最後警察嚟到，前後唔使10分鐘就已經搞掂」

此外，不少網民人留言表示「同車真係多得你唔少！香港真多這些人！」、「萬一途中部野著火後果不堪設想」、「一著火就成車bbq」、「係咪已經合法？？？？？？無人拉？？？」、「車長有責任行車時保障乘客安全，非法危險物品絶不用上車」、「呢啲飛輪虾越來越過份。先攪清楚合法未喎」、「燒死人㗎！」、「咁都話多事嘅都幾信任風火輪」等。