扶手電梯MMA｜旺角東女子攜大行李塞電梯引衝突　險釀人踩人意外(有片)

旺角日前爆發一次「扶手電梯MMA」！近日有女士攜帶大件行李上下樓層時，與一名大叔衝突，更不理身後有BB車及大批路人，更險釀人踩人意外，影片其後在網上引起熱議。

有網民在上周五（11月29日）在社交平台發帖，指於鄰近港鐵旺角東站的一個商場目睹驚險一幕，有女子攜大件行李乘扶手電梯，疑被途人大叔故意撞開，二人發生罵戰。

影片截圖影片截圖

據影片可見，事發地點位處旺角MOKO商場通往弼街的行人天橋一段下行扶手電梯，當時女子正攜帶一個白色買餸車，上方疊有一個大型白色手袋，女子側身站在放置行李的下一級電梯，身側留出的空位較窄。突然一名大叔站電梯與女子對罵。
發帖者指，罵戰開始前，大叔先說「落扶手梯嗰陣，叫個阿姨死開兼撞到佢」，女子被撞後則回應大叔，「撞咩啊？我手上面揸住嘢㗎」。其間兩人在電梯出口停下對罵，電梯上一對推著嬰兒車的夫婦被女子的行李阻擋出路。

網民：香港人好自私...

影片更起不少網民討論，不少人表示香港人「好自私」，又指片中眾人都有錯，「我唔信香港人去旅行揸住個行李篋冇搭過扶手電梯 」、「拉住車仔好心搭lift啦，Bb車都係」、「阿嬸抵鬧，完全冇安全意識，你都見到佢拎大件嘢，但落電梯企喺度？！當後面嘅人透明」、「兩個都有錯，個阿叔見到個阿嬸咁樣，都去撞佢仲叫人死開 ，個態度已經有問題，之後又塞住條路 」、「我前兩日都睇到有單，又係話撞佢喎」、「嘈交唔緊要 唔好塞住個路」、「唔講個女人唔搭𨋢有幾onX，見佢係電梯前企定定係到話人都知佢係自私」、「最憎人拉呢㗎車，本身個設計已經阻埞，仲要好容易kick到其他行人」、「最大嘅問題係兩條友塞住扶手電梯口，後面果啲好危險囉」、「搭電梯建議都係考牌」、「拎咁大件嘢仲要企lift口係咩事」、「抵鬧喎！」。