有片｜觀塘的士連撞4車後逃走不顧而去　無視交通督導員畫面曝光！

近日觀塘發生一宗4車相撞事故，其中一輛涉事的士更當場逃走不顧而去！據網上影片所見，肇事的士在車禍後停在路邊，車頭部分已摺起，並且撞中前方一輛私家車的車尾，更將車輛推前，再撞另一輛私家車。

影片其後又見，當時正有一名交通督導員了解情況，突然的士倒後，再擅自將的士駛走，亦不理在場眾人勸阻，隨即扭右軚切入鄰線離開，也有人大叫「停車」及提醒市民「小心」，影片結束。

影片截圖影片截圖影片截圖

據了解，昨日（12月10日）下午5時03分，一輛的士駛至觀塘成業街16號對開時，懷疑失控連撞3輛私家車及另一輛的士。警方正追查該名的士司機下落，不排除有人涉及酒後或藥後駕駛。

網民：應該身有屎！

不少網民對事件感到驚訝，斥責司機行為，亦覺得司機非常可疑，「交通意外無停車...一走就加多幾條罪，仲要入監」、「停低比佢拉，差人唔會話你乖」、「 趕住去接客」、「應該身有屎」、「太空牌優質的士」、「估喺：影子車，偷車，帶貨，無駕照」、「撞人哋架車只係交通意外，咁樣走咗就係刑事案要坐監」、「分分鐘尾箱成車貨，緊係走」、「優質服務態度」、「本身個底都係唔好，又影子的士梗係走啦」、「夠鐘交更，趕住去交車先」、「宜家好多的士司機都古零精怪。」、「唔好意思要趕住去送外賣，走先」。