有片｜長洲食肆枱凳擺街疑阻消防救護車出入　 惟網民正反熱議...

消防、救護車每天都是把握時間出入救人，若被阻礙可能會造成人命傷亡。日前有人在社交平台上發文，指在長洲看到一幕，部分食肆枱凳擺街，疑阻礙消防、救護車出入，事件引起網民正反熱議。

發片者在網上說，「明白做生意，錢要賺盡，不過緊急救援通道你地都唔好霸盡啦 ，後邊長洲消防局仲有一架長臂猿，佢出勤都唔知點算呀！」。同時，他亦上載一段影片，可見當時正有消防、救護車出入，兩車亦有響燈，商戶看見救援車前來才搬開物品。影片中，拍片者亦大呼「撞死佢哋啦！」。

影片截圖 (FB@Jackie Li)影片截圖 (FB@Jackie Li)影片截圖 (FB@Jackie Li)

惟網民對事件正反熱議...

事件其後在網上發酵，部分人認同拍片者，指不應該妨礙救援，「報1823報食環啦」、「有咩同食環講，政府問題。」、「講真，佢哋救緊你地家人會唔會仲蟻躝咁？」、「啲人就係咁，事不關己 己不勞心，救援車閃晒燈，都係唔郁，之後別怪食環整頓」、「妨礙救援就真係唔太好」。

但亦有人指出，其實道路夠闊、夠車行駛，認為不應該多事出聲，「消防日日見到都未舉手，你嘈乜」、「長洲咁細，有問題消防一早出咗聲啦」、「見條路夠過，應該之前夾好晒。只係啲遊客唔識讓路，以為讓夠就算，無諗過要行入多少少」、「大家醒目d 就下一定夠過，但片中大部份途人/食客都係發緊夢」、「有時隻眼開隻眼敝。識做生意嘅，就出聲叫Ｄ人客讓一讓，大家都好做。」、「都算夠過，唔係好似大陸咁，泊晒啲車係度」、「咁多年都係咁，佢地會自動執開哂d野」、「佢地有佢地秩序，到時就識將就一下」、「第一日入長洲咩，又拍片又叫，人地有晒自己秩序」。

翻查資料，如店舖非法擴展營業範圍及擺放物品在公眾地方或馬路上造成通道阻塞，相關的違例人士除會被檢控外，警方亦會根據《簡易程序治罪條例》（第228章）第32（1）條發出警告通知書；而若違反食環署《食物業規例》（第132X章），即持牌食物業處所若擅自擴展營業範圍，至其牌照批准圖則所劃定的範圍以外的地方，可被檢控，一經定罪，可被判罰款5萬元及監禁6個月。