有片 | 荃灣2男馬路中心MMA 㩒住對方於地上狂揮拳打面：「我成日都比人拉㗎啦」

網上fb群組最新流傳一則帖文並且附上一段手機視頻，帖文題為「的士界又一力作」，視頻中顯示2名黑衫男子相信在荃灣大河道的馬路中心打成一團，其間互相爆粗。

視頻中白鞋漢佔上風，把另一男子按於地上，喝駡「郁手？你郁手？」，然後多次揮拳打中對方面部，其間被打者表示「仲嚟打？」，白鞋男則回應表示「仲嚟就梗㗎啦！郁手玩陰招呀嘛？」，後來被按於地上者試圖抵抗但不成功，只能不斷表示「仲嚟？警察嚟啦！」，白鞋漢則回應表示「我成日都比人拉㗎啦！」，然後繼續揮拳打對方面部，合共最少打中6拳。

網上fb群組視頻截圖網上fb群組視頻截圖

網民對此議論紛紛，不少人留言表示「 狗咬狗骨」、「唔夠人打，仲死淨把口」、「以為自己係地板大師要打地板戰，點知瀨撚哂嘢，俾人好似打小人咁㩒X住嚟打」、「哇，街霸呀隆，呀ken，豪鬼果招撻都出埋」、「呢招咪排山倒海」等。

據了解，根據第245章《公安條例》第25條，任何人在公眾地方參與非法打鬥即屬犯罪，可被罰款港元5000及監禁12個月。