有圖慎入! 慈雲山超市狗糧罐頭被指嚴重發霉 網民：發霉程度令人咋舌

網上FB群組最新流傳一則帖文並且附上一張圖片，帖文題為「早幾日喺慈雲山XX（XX）買咗罐（狗罐頭）發霉程度，簡直令人咋舌」，帖主並且指出「我買嘢，啱就拎，唔會睇日期，但係佢哋執貨嘅人都應該知道是否過期，我覺得佢哋明知過期都繼續賣」。

圖片中可見一罐狗糧罐頭，內裏已明顯出現嚴重的白色霉菌，不能食用否則後果嚴重。

網上FB群組圖片

網民對此議論紛紛，不少人留言表示「退貨帶收據去」、「哇，咁恐怖！好彩無比到狗狗食，大家真係要認真留意下」、「之前有見過，過左期都放係到，我即刻拎去同職員講，佢地即刻收埋佢，買前真係要睇日期」、「打上去CS有晒交易紀錄同CCTV，而家錯不在你，你報返你買嘅時間地點日期上CS佢會有人跟進」、「早幾日，喺慈雲山（XX）買咗兩罐狗糧，回家打開一看嚇死我，肯定過期好耐，跟住攞去退換，職員態度係唔想換，問我罐頭買咗幾耐，我話買咗三日，佢叫我攞單出嚟，我話一早就揼咗，佢嘅態度係好懷疑我唔係喺度買。我同佢講你可以嘟吓條碼，因為係早三日前嘅事。你只要睇吓個code就知道係喺呢度買，佢無奈之下好唔願意地同我換返一罐。仲要我即場打開睇吓有冇發霉，只可以換一次，成個過程搞咗我20分鐘，狗狗食飯時間到，打開罐頭望到咁嘅情況，仲要嘥我時間行去換」、「有可能罐身有裂紋」等。

據了解，任何人未獲准許售賣限制出售的食物（包括凍肉、刺身和壽司），或出售過期食物，即屬違法，一經定罪，最高可處罰款五萬元及監禁六個月。